„Þetta var gríðarlega mikilvægur sigur. Virkilega," sagði Orri Þórðarson þjálfari FH eftir 2-1 sigur gegn ÍA á heimavelli í Pepsi-deild kvenna í kvöld.
Fyrir leik munaði aðeins þremur stigum á liðunum en eftir sigurinn fer FH upp í 6. sæti deildarinnar og eru nú fjórum stigum frá falli.
Fyrir leik munaði aðeins þremur stigum á liðunum en eftir sigurinn fer FH upp í 6. sæti deildarinnar og eru nú fjórum stigum frá falli.
Lestu um leikinn: FH 2 - 1 ÍA
„Ég var gríðarlega ánægður með baráttuna. Leikurinn bar þess merki að það er mikið undir og mikið í húfi. Á köflum var þetta fín spilamennska en fyrst og fremst er ég ánægður með þrjú stig."
ÍA-liðið kom sterkari til leiks inn í seinni hálfleikinn og náðu að jafna metin eftir að FH hafi leitt í hálfleik.
„Þær eru með marga kröfugu leikmenn og sterka í loftinu. Það er alltaf ógn af þeim. Ég get verið sammála þér að þetta lá svolítið í loftinu en mér fannst við svara þessu mjög vel. Mér fannst við sterkari það sem eftir lifði leiks. Við náðum að skora annað markið fljótlega eftir jöfnunarmark þeirra og gáfu engin færi á okkur eftir það."
Alex Nicole Alugas gekk í raðir FH í dag frá Sindra og hún skoraði sigurmarkið.
„Þetta var draumabyrjun fyrir hana. Rosalega skemmtilegt. Hún kom virkilega sterk inn fyrir okkur. Hún hefur mikinn hraða og styrkir okkur klárlega," sagði Orri sem ætlar sér í fjallgöngu í kvöld.
„Ég er að hugsa mér að fara á Helgarfellið. Það er alltaf magnað að fara á það skemmtilega fjall, okkar Hafnfirðinga, sagði Orri Þórðarson þjálfari FH að lokum.
Viðtalið í heild sinni má sjá í sjónvarpinu hér að ofan.
Athugasemdir