„Maður er hálf tómur og búin á því tilfinningalega séð," sagði Hallbera Gísladóttir eftir 3-0 tap gegn Austurríki í lokaleik Íslands á EM í kvöld.
Lestu um leikinn: Ísland 0 - 3 Austurríki U20
„Þetta fór þannig að við drullutöpuðum í kvöld. Það er leiðinlegt. Við ætluðum að vinna fyrir fólkið sem er búið að styðja við bakið á okkur. Það átti meira skilið. Það er erfitt að útskýra hvað gerðist."
„Við verðum aldrei topplið þegar við fáum ódýr mörk á okkur og við þurfum að halda boltanum betur. Leikurinn er búinn og við kláruðum þennan leik ekki á þann veg sem við vildum."
Hallbera spilaði sem vinstri vængbakvörður á mótinu. Er hún ánægð með frammistöðu sína?
„Bæði og. Ég er búinn að leggja mig 100% í þessa leiki og hlaupa úr mér lifur og lungu. Við erum ekki búnar að ná miklu spili og það hefur lent frá mér að hlaupa upp og niður. Ég geng sátt frá borði og sé ekki eftir neinu."
Hér að ofan má sjá viðtalið í heild sinni.
Athugasemdir