Sif Atladóttir varnarmaður íslenska landsliðsins var nú nokkuð brött í viðtali eftir 3-0 tap Íslands í lokaleik sínum á EM í Hollandi.
Uppskeran á mótinu er rýr, liðið fer heim stigalaust eftir þrjá leiki. Frammistaða liðsins í kvöld var ekki upp á marga fiska.
Uppskeran á mótinu er rýr, liðið fer heim stigalaust eftir þrjá leiki. Frammistaða liðsins í kvöld var ekki upp á marga fiska.
Lestu um leikinn: Ísland 0 - 3 Austurríki U20
„Þær skoruðu fleiri mörk en við, það er ekki mikið meira en það."
„Mér fannst þetta vera 50/50 leikur og síðan fáum við tvö mörk á okkur á stuttu millibili. Eftir það var þetta erfitt," sagði Sif sem segir stelpurnar allar vera svekktar.
„Hvað á maður að segja? Við töpuðum þessu en svona eru íþróttirnar. Þetta gekk ekki upp í dag."
Sif var beðin um að lýsa mótinu í þremur orðum.
„Takk fyrir stuðninginn!" sagði Sif og hélt áfram.
„Þetta var algjörlega mót okkar stuðningsmanna og ég vil þakka stuðningsmönnum og ykkur fjölmiðlamönnum fyrir. Þið hafið verið frábær í umfjöllun og stuðningsmennirnir sem hafa fylgt okkur og verið heima og fylgst með. Við komum sterkari til baka það er alveg klárt."
Spilamennska liðsins olli mörgum vonbrigðum og þá sérstaklega sóknarleikur liðsins.
„Þetta var ekki alveg eins og við vorum búnar að teikna þetta upp en við vissum að öll liðin í riðlinum væri sterk og kvennaknattspyrna hefur tekið þvílíkt stökk á síðustu fjórum árum. Við vissum hvað við værum að fara út í og því miður eru þetta smáatriði. Við bætum okkur og stöndum saman sem lið. You win some you lose some. Við þurfum að spyrna okkur upp frá botninum og undirbúa okkur fyrir haustið."
Viðtalið við Sif má sjá í heild sinni í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir