,,Stig er stig á sterkum Vodafonevelli á móti mjög vel skipulögðu liði Vals," sagði Sandra Sigurðardóttir markvörður Stjörnunnar eftir markalaust jafntefli við Val í Pepsi-deild kvenna í kvöld.
Lestu um leikinn: Valur 0 - 0 Stjarnan
,,Í rauninni getum við ekkert verið annað en sáttar en jú auðvitað svekktar líka því við ætluðum að vinna."
,,Í heildina vorum við betri, við fengum fullt af færum og vorum að stjórna leiknum heilt yfir. En þær voru rosalega þéttar og agaðar og erfitt að brjóta þær. En við héldum allavega hreinu og það er mjög gott."
Það hefur verið rólegt að gera hjá Söndru í gríðarlega sterku liði Stjörnunnar í sumar. En hvernig er að halda einbeitingu þegar svo er?
,,Þegar maður er markmaður þá er það 70% hausinn, þú þarft að vera á tánum. Stundum er mikið að gerast og stundum ekki. Þú þarft að vera viðbúin því."
Nánar er rætt við hana í sjónvarpinu að ofan.
Athugasemdir
