Theodór Sveinjónsson.
ÍBV mætti Aftureldingu í dag í 14. umferð Pepsi-deildar kvenna og höfðu þar stórsigur 8-0 þar sem mörkin fylgdu hverju á fætur öðru en þetta var stærsti sigur ÍBV í deildinni á þessu ári og sá stærsti á Aftureldingu þrátt fyrir nokkra aðra stóra í gegnum tíðina.
Lestu um leikinn: ÍBV 8 - 0 Afturelding
,,Það er voðalega lítið hægt að segja við svona, nema það að þetta var mjög slappt hjá okkur og við vorum virkilega lélegar og áttum ekkert skilið úr þessum leik," sagði Theodór Seinjónsson, þjálfari Aftureldingar eftir leik.
,,Við bara vorum ekkert á svæðinu. Það er eins og við séum ennþá í Herjólfi að horfa á bíó og ef við ætlum að láta svona getum við alveg eins farið niður strax,"
,,Við verðum bara að gera betur og munum gera það í næsta leik, við þurfum að rífa okkur upp af rassgatinu fyrir næsta leik, mótið er ekki búið og við eigum enn möguleika á að halda okkur uppi," sagði Theodór að lokum en aðeins tvö stig skilja FH og Aftureldingu að í tvö næstneðstu sætunum.
Athugasemdir
