Fimm leikir fóru fram í sænsku úrvalsdeildinni í kvöld og voru fjórir Íslendingar í eldlínunni.

Ekkert fær stöðvað Elías Má Ómarsson þessa dagana en hann var á skotskónum þriðja leikinn í röð þegar Gautaborg vann 2-0 sigur á Östersund. Elías Már er á láni hjá Gautaborg frá Valerenga og hefur staðið sig afar vel síðan hann kom til félagsins.

Gamla brýnið Hjálmar Jónsson sat allan tímann á varamannabekk Gautaborgar sem er í fjórða sæti deildarinnar.

Ögmundur Kristinsson, Birkir Már Sævarsson og Arnór Smárason léku allan leikinn þegar Hammarby vann Falkenbergs.

Úrslit kvöldsins