Arnar Þór Viðarsson.
Arnar Þór Viðarsson hefur tekið tímabundið við þjálfun belgíska félagsins Lokeren. Georges Leekens hefur verið rekinn úr starfi og Arnar hefur tekið við tímabundið við stjórnartaumunum.
Arnar er fyrrum leikmaður Lokeren en hann hefur undanfarið þjálfað varalið félagsins.
Landsliðsmennirnir Ari Freyr Skúlason og Sverrir Ingi Ingason spila með Lokeren en liðið er í 12. sæti af 16 liðum í belgísku úrvalsdeildinni. Lokeren er með tíu stig eftir tólf leiki en liðið tapaði 2-1 gegn KV Oostende á heimavelli í gærkvöldi.
Belgískir fjölmiðlar eru byrjaðir að orða Rúnar Kristinsson við þjálfarastöðuna hjá Lokeren til frambúðar.
Rúnar var rekinn frá Lilleström fyrr á þessu ári en hann spilaði með Lokeren frá 2000 til 2007. Rúnar er í miklum metum hjá belgíska félaginu en hann hefur áður verið orðaður við þjálfarastöðuna þar.
Rúnar Kristinsson.
Athugasemdir
