Lionel Messi, framherji Barcelona á Spáni, var hæstánægður eftir 0-4 sigur liðsins á APOEL í Meistaradeild Evrópu í gær en hann sló markamet Meistaradeildar Evrópu og er nú markahæsti leikmaður keppninnar frá upphafi.
Messi skoraði þrennu gegn APOEL í gær en það var fyrsta mark hans sem hafði mestu þýðinguna.
Hann, Raúl og Cristiano Ronaldo voru allir jafnir fyrir leikinn í gær með 71 mark en Messi sló það í gær.
,,Það að slá þetta met í þessari keppni er yndislegt. Þetta var samt mikilvægur leikur hjá okkur og mikilvægt fyrir okkur að ná í þrjú stig, það er það sem skiptir mestu," sagði Messi.
Athugasemdir