Leikmenn Malmö voru brjálaðir út í dómarann eftir leikinn og leið þeim eins og hann hafi verið tólfti maður Juventus.

,,Í seinni hálfleik vorum við ekki nægilega góðir. Fyrsta markið átti aldrei að eiga sér stað, við gáfum þeim það," sagði Hareide.

,,Seinna markið var hins vegar dómaraskandall. Morata horfði ekki einu sinni á boltann þegar hann henti Erik Johansson í jörðina."

Miðjumaðurinn Magnus Eriksson var einnig ósáttur með dómgæslu hins portúgalska Pablo Proenca.

,,Við ættum að vera stoltir eftir góða frammistöðu, en það er erfitt þegar dómarinn mismunar eftir stærð félags," sagði Eriksson.

,,Þetta er sorglegt fyrir knattspyrnuna og okkur. Við sáum allir hversu hliðhollur hann var andstæðingum okkar allar 90 mínúturnar. Það var sorglega augljóst."