„Mér líst mjög vel á þetta félag. Það eru flottir þjálfarar þarna og flottir leikmenn," sagði Elvar Ingi Vignisson við Fótbolta.net eftir að hann gekk í raðir ÍBV frá Fjarðabyggð í dag.
„Það voru nokkur lið inni í myndinni en mér leist langbest á ÍBV. Það er flott stefna hjá félaginu."
Bjarni Jóhannsson tók við þjálfun ÍBV í haust og hann krækti í Elvar Inga.
„Ég er búinn að kynnast honum eitthvað. Hann er flottur þjálfari og ég hlakka til að vinna með honum í sumar."
ÍBV endaði í 10. sæti í Pepsi-deildinni í sumar en Elvar Ingi sér Eyjamenn geta gert betri hluti á næsta tímabili. „Við getum gert flotta hluti og verðum vonandi í efri hlutanum," sagði Elvar.
Hér að ofan má sjá viðtalið í heild sinni.
Athugasemdir