Manuel Pellegrini, stjóri Man City, sagðist ekkert geta sagt til um hversu alvarleg meiðslin væru.

„Hann á í vandræðum aftan í læri. Vonandi verður hann ekki lengi frá en ef hann getur ekki spilað treysti ég Willy Caballero fullkomlega," segir Pellegrini.

Man City fær Southampton í heimsókn í ensku úrvalsdeildinni á laugardag og þarf að svara fyrir skellinn sem liðið fékk gegn Liverpool um síðustu helgi. Margir efast um að Caballero sé nægilega öflugur til að fylla skarð Hart ef hann verður frá í einhvern tíma.