Grealish hefur verið bannað að æfa með aðalliði Aston Villa og verður ekki með liðinu gegn Watford á laugardag. Í sumar komst Grealish í fréttirnar þegar hann var myndaður áfengisdauður á götum úti á Tenerife.

Paul Merson er fyrrum leikmaður Aston Villa og enska landsliðsins en á sínum ferli átti hann líka í vandræðum utan vallar.

„Strákurinn þarf að fá sér sæti með einhverjum sem hefur verið í hans stöðu. Ég er tilbúinn að ræða við hann í klukkutíma. Hann er í besta starfi í heimi, vinnur við að spila fótbolta. Einhver þarf að segja honum að þessi tími hverfi fljótt."

„Þegar þú ert myndarlegur, lítur út eins og Brad Pitt og ert atvinnumaður, þá þyrpist fólk að þér. En þegar ferlinum er lokið ertu ekki eins og Brad Pitt," segir Merson.