Wolverhampton Wanderers vann nauman útisigur gegn Watford í lokaleik dagsins í ensku B-deildinni.

Malímaðurinn Nouha Dicko skoraði eina mark leiksins í seinni hálfleik en Wolves var betra liðið í fyrri hálfleik án þess að ná að skora.

Í lokin var Watford nálægt því að jafna, þá skaut Odion Ighalo í tréverkið.

Watford er í sjötta sætinu, síðasta umspilssætinu, fjórum stigum á undan Wolves sem er í níunda sæti.