Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 27. janúar 2015 07:00
Ívan Guðjón Baldursson
Rodgers: Tapið gegn Bradford styrkir Chelsea
Mynd: Getty Images
Liverpool heimsækir Chelsea í spennandi undanúrslitaleik enska deildabikarsins á Stamford Bridge.

Fyrri leik liðanna lauk með 1-1 jafntefli á Anfield Road þar sem gestirnir í Chelsea geta þakkað markverði sínum, Thibaut Courtois, og dass af heppni fyrir að hafa ekki tapað.

Chelsea átti svo heimaleik í enska FA bikarnum um helgina og komst í 2-0 gegn C-deildarliði Bradford, sem vann svo leikinn gífurlega óvænt 4-2.

Brendan Rodgers, stjóri Liverpool, býst við að tapið gegn Bradford geri lítið annað en að kveikja í Chelsea sem vill leggja allt í sölurnar til að mæta annað hvort Tottenham Hotspur eða Sheffield United í úrslitaleiknum.

,,Úrslitin frá því um helgina hjálpa ekki, þeir munu mæta okkur af aukinni hvatningu vegna tapsins," sagði Rodgers.

,,Eftir tap eins og þetta vilja menn girða sig í brók og gera betur næst, þannig að við munum mæta grimmu Chelsea-liði."
Athugasemdir
banner
banner
banner
banner
banner