9) Lee Bowyer (Leeds United til West Ham): Skorti vilja, glímdi við meiðsli og var með eintómt vesen utan vallar þar sem hann kom sér í fréttirnar fyrir slagsmál. Meðal annars fyrir að kasta stól í asískan starfsmann McDonalds. West Ham féll og Bowyer yfirgaf félagið.

8) Nigel Quashie (Portsmouth til Southampton, Southampton til West Brom): Féll með bæði Southampton og West Brom og vinsældir hans meðal stuðningsmanna fóru niður fyrir frostmark. Leikur nú með BÍ/Bolungarvík hér á klakanum.

7) Georgios Samaras (Heerenveen til Manchester City): Kom til City í janúar 2006. Fór vel af stað en skoraði svo átta mörk í 66 leikjum og var gagnrýndur af stjóranum Stuart Pearce.

6) Jean-Alain Boumsong (Rangers til Newcastle): Einn af lágpunktunum í stjóratíð Graeme Souness var þegar hann keypti Boumsong á 8 milljónir punda frá Rangers. Franski varnarmaðurinn gat lítið sem ekkert og kenndi sjálfur persónulegum vandræðum um.

5) Christopher Samba (Anzhi Makhachkala til QPR): Harry Redknapp er þekktur fyrir að hugsa ekkert um budduna og hann borgaði 12,5 milljónir punda fyrir Samba. Redknapp sagði þetta einmitt leikmanninn sem QPR þurfti. Samba fékk ofurlaun en gerði ekkert gagn á vellinum.

4) Afonso Alves (Heerenveen til Middlesbrough): Maðurinn sem fær ensk félög til að hugsa sig tvisvar um í dag áður en markaskorari úr hollensku deildinni er keyptur. Skoraði fjögur mörk á eina heila tímabilinu sínu með Boro og liðið féll.

3) Savio Nsereko (Brescia til West Ham): Þýski unglingalandsliðsmaðurinn átti að vera merki nýrra tíma hjá West Ham. Spilaði engan byrjunarliðsleik á Englandi. Hann er 25 ára í dag og spilar nú í Kasakstan.

2) Andy Carroll (Newcastle til Liverpool): Skoraði sex mörk í 44 úrvalsdeildarleikjum. Kostaði 35 milljónir punda og kaupin reyndust algjört flopp.

1) Fernando Torres (Liverpool til Chelsea): Orð eru óþörf.

10) Felipe Caicedo (FC Basel til Manchester City): Átti að leysa vandræði Man City í markaskorun. Gerði sitt besta en mörkin komu ekki. Er í dag 26 ára og hægt að finna hjá Espanyol.