Rúnar Páll Sigmundsson.
Guðjón er farinn til Indlands.
„Það er flott, þetta var ágætis leikur. Ég er ánægur með frammistöðuna," sagði Rúnar Páll Sigmundsson, þjálfari Stjörnunnar eftir 4-1 sigur gegn ÍBV í Fótbolta.net mótinu í dag. Ljóst er að Stjarnan mun spila til úrslita í mótinu eftir sigurinn.
„Það er alltaf gott að vinna leiki, við leggjum mikla áherslu að vinna þessa leiki og gera þetta vel."
„Það er alltaf gott að vinna leiki, við leggjum mikla áherslu að vinna þessa leiki og gera þetta vel."
Aðspurður segist Rúnar frekar sáttur með hópinn sem hann er með í höndunum á þessari stundu.
„Við erum með mjög góðan hóp og við metum það bara þegar á líður hvort við þurfum að styrkja eitthvað."
Guðjón Baldvinsson er farinn til Indlands þar sem hann samdi við Kerala Blasters. David James er þar þjálfari og Hermann Hreiðarsson aðstoðarþjálfari. Guðjón verður þar fram í mars.
„Þetta er fínt tækifæri fyrir Guðjón og spennandi. Þetta er mjög áhugavert fyrir hann," segir Rúnar.
„Ef eitthver myndi fýla þetta þá er það Guðjón."
Í Indlandi mun Guðjón spila við hlið Dimitar Berbatov í fremstu víglínu. Rúnar telur að Guðjón muni skora meira en Berbatov.
„Það verður geggjað hjá honum (að spila með Berbatov). Þetta er mjög mikið ævintýri fyrir hann. Guðjón er allan daginn að fara að skora meira, það þarf bara að gefa á hann," sagði Rúnar léttur.
Viðtalið er í heild sinni hér að ofan.
Athugasemdir
