Mark Noble.
Fyrirliðinn Mark Noble hefur skrifað undir nýjan samning hjá West Ham og er hann nú samningsbundinn til ársins 2020.
Þessi 27 ára gamli miðjumaður hefði orðið samningslaus í sumar, en hann mun nú eyða næstu árum hjá Lundúnarliðinu.
Noble hefur spilað með aðalliði West Ham frá árinu 2005 eftir að hafa komið upp í gegnum hina frægu akademíu liðsins, auk þess sem hann spilað með Hull og Ipswich sem lánsmaður árið 2006.
Noble á að baki 268 deildarleiki með West Ham og hefur skorað 30 mörk.
Athugasemdir
