Diego Lugano (til vinstri) í landsleik.
Úrúgvæinn Diego Lugano er genginn í raðir Hacken í sænsku úrvalsdeildinni á frjálsri sölu.
Lugano gekk í raðir WBA í ensku úrvalsdeildinni árið 2013, en hann hafði áður spilað með PSG og Fenerbahce. Stóðst hann hinsvegar ekki væntingar á Englandi og spilaði einungis níu leiki.
Hann var því látinn fara frá WBA síðasta sumar og hefur verið án félags síðasta hálfa árið.
Lugano er fyrrum fyrirliði úrúgvæska landsliðsins og vonast nú til að vinna sér inn sæti í landsliðshópnum fyrir Copa America næsta sumar.
Athugasemdir
