„Við vorum á fundi áðan að skoða Írana," sagði sóknarmaðurinn Kjartan Henry Finnbogason um vináttulandsleikinn gegn Írlandi á morgun. Kjartan ræddi við Fótbolta.net í hótelgarði landsliðsins í gær.
Hann á sex A-landsleiki að baki, fimm af þeim hafa verið vináttuleikir utan landsleikjahlés í janúar og svo einn leikur í undankeppni EM en hann var 2011.
Hann á sex A-landsleiki að baki, fimm af þeim hafa verið vináttuleikir utan landsleikjahlés í janúar og svo einn leikur í undankeppni EM en hann var 2011.
„Það er ótrúlega gaman að vera partur af þessu og allt í kringum landsliðið er frábært."
Kjartan þekkir þjálfara Írana vel, hinn þaulreynda Martin O'Neill. Sá keypti Kjartan þegar hann var stjóri Celtic og Kjartan var ungur leikmaður KR.
„Hann keypti okkur Theodór Elmar á sínum tíma. Svo var Roy Keane (sem er aðstoðarþjálfair Celtic í dag) leikmaður með okkur. Það er smá nostalgía í að hitta þessa kalla aftur."
Þér myndi ekki leiðast að skora fyrir framan Martin O'Neill?
„Mér leiðist aldrei að skora! Það væri auðvitað gaman. Það væri bara svakalega gaman að fá einhverjar mínútur, fá tækifærið."
Kjartan telur að hann eigi fullt erindi í að vera í landsliðshópnum til frambúðar.
„Auðvitað er eitthvað um meiðsli núna en maður verður bara klár. Nú vita Heimir, Helgi og Gummi hvað ég get og hvað ég hef að leggja fram. Það hefur gengið vel hingað til."
Í viðtalinu hér að ofan talar Kjartan meðal annars um gengi félagsliðs síns, danska úrvalsdeildarliðsins Horsens.
Þetta er hótel íslenska landsliðsins í Dublin #fotboltinet pic.twitter.com/z5ukBBpBDO
— Fótbolti.net (@Fotboltinet) March 26, 2017
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir