FC Bayern varð þýskur meistari í 25. skipti í gær en þetta varð ljóst eftir að Wolfsburg tapaði 1-0 gegn Gladbach.
Bayern hefur verið með mikla yfirburði í Bundesligunni í vetur og liðið er nú meistari þrátt fyrir að fjórar umferðir séu eftir af deildinni.
Pep Guardiola stýrði Bayern annað árið í röð til sigurs í Þýskalandi en hann hefur náð ótrúlegum árangri sem þjálfari í Þýskalandi sem og á Spáni með Barcelona.
Guardiola hefur stýrt Barcelona í 247 leikjum og Bayern í 101 leik á þjálfaraferli sínum.
Í þessum 348 leikjum hefur hann náð í 19 titla sem þýðir að hann nær í titil á 18 leikja fresti.
Guardiola hefur náð í 19 af 27 titlum mögulegum sem þjálfari en hann getur ennþá bætt við tveimur titlum til viðbótar á þessu tímabili.
Athugasemdir