Sir Alex Ferguson telur Cristiano Ronaldo vera besta leikmann í heimi og útskýrði skoðun sína sem áhorfandi á Heimsmeistaramótinu í snóker.
Ronaldo spilaði undir Ferguson hjá Manchester United og vill Ferguson ekki gera lítið úr skoðun þeirra sem telja Lionel Messi bestan í heimi.
Ronaldo spilaði undir Ferguson hjá Manchester United og vill Ferguson ekki gera lítið úr skoðun þeirra sem telja Lionel Messi bestan í heimi.
„Margir telja Messi vera bestan í heimi og það er í raun ekki hægt að hneykslast á þeirri skoðun," sagði Ferguson.
„Munurinn er sá að Ronaldo gæti spilað fyrir Millwall, QPR, Doncaster Rovers, hvaða lið sem er, og skorað þrennu. Ég er ekki viss um að Messi gæti það.
„Ronaldo er jafnfættur, hann er snöggur, hugrakkur og sterkur í loftinu. Messi er meira bara sniðinn að Barcelona og þannig leikstíl."
Athugasemdir