Donni var sáttur með sigurinn
„Baráttan og vinnusemin. Þær lögðu allt í þennan leik stelpurnar og við vorum feykilega vel undirbúin," sagði Halldór Jón Sigurðsson, Donni, aðspurður um hvað hefði skapað sigur Þór/KA á Val í dag.
„Við héldum hreinu á móti liði sem er að skora svakalega mörg mörk og er með gríðarlega sterka framherja og í rauninni mjög vel mannað lið,˚ sagði Donni ánægður eftir leik.
„Ég er ótrúlega hamingjusamur með vinnusemina, eljusemina og bara það sem þær lögðu í leikinn˚.
„Mér er í raun bara alveg sama hvað öðrum finnst. Við gerum það sem við ætlum að gera og hugsum bara um það. Við ætlum að vinna alla leiki sem við förum í og það er markmiðið og stefnan˚
„Við gerum ráð fyrir því að spila hér aftur á þriðjudag þar sem völlurinn er ekki tilbúinn. Við getum spilað góðan fótbolta hér og þá höldum við okkur hér," voru lokaorð Donna um væntanlegan heimaleik gegn Breiðablik þriðjudaginn 2.maí.
Athugasemdir
