Lestu um leikinn: Fylkir 1 -  0 Grindavík

„Fylkir kom okkur ekkert á óvart. Ég vissi að þær yrðu baráttuglaðar dömurnar þar og okkar stelpur og sérstaklega útlendingarnir sem hafa ekki spilað hér áður, og þekkja ekki þennan bolta, voru ekki tilbúnar. Svo aftur á móti kemur seinni hálfleikurinn og þá fannst mér vera eitt lið á vellinum þó að þær breikuðu á okkur í nokkur skipti. Það var kannski af því að við vorum komnar of framarlega. Ég hefði nú viljað fá sanngjarnt mark þarna í restina en svona er nú fótboltinn“, sagði Róbert.

„Þetta er góð lexía fyrir okkur. Stelpurnar vita núna í hvað þær eru komnar. Það er ekki nóg að vera góðar í fótbolta. Það þarf líka að hafa fyrir því eins og við íslendingar þekkjum“, sagði Róbert.

Grindavíkurliðið hefur gefið það út að það stefni á að berjast í efri hluta deildarinnar og Róbert segist hafa fulla trú á liðinu þrátt fyrir vonbrigðin í kvöld.

„Ég veit alveg hvað býr í liðinu og stelpurnar líka. Þetta er bara einn leikur af 18 og ég var eiginlega ekkert ánægður með að byrja hér. Næsti leikur líka á móti Haukum, það verður alveg hörkuleikur. Þetta eru lið sem er spáð falli og það er alltaf erfitt að spila á móti þeim,“ sagði Róbert meðal annars en hægt er að horfa á allt viðtalið við hann í sjónvarpinu hér að ofan.