Leikur Dnipro Dnipropetrovsk og Sevilla í úrslitum Evrópudeildarinnar hefst eftir skamma stund. Hægt verður að fylgjast með gangi mála í úrslitaþjónustu okkar á forsíðunni.
Liðið sem vinnur Evrópudeildina tryggir sér um leið sæti í Meistaradeild Evrópu á næsta tímabili svo það verður gífurlega mikið í húfi á Narodowy leikvangnum í Varsjá í Póllandi þar sem leikurinn fer fram klukkan 18:45.
Sevilla eru ríkjandi meistarar en liðið sigraði Benfica í úrslitaleik á síðustu leiktíð eftir vítakeppni.
Dnipro getur orðið annað úkraínska liðið í sögunni til að vinna keppnina en Shaktar Donetsk bar sigur úr býtum árið 2009.
Byrjunarlið Dnipro: Boyko; Fedetskyi, Douglas, Cheberyachko, Léo Matos; Kankva, Fedorchuk; Matheus, Rotan, Konoplyanka; Kalinic.
Byrjunarlið Sevilla:Rico; A. Vidal, Kolo, Carrico, Tremoulinas; Krychowiak, Mbia; Banega, Reyes, Vitolo; Bacca.
Athugasemdir