Geir Þorsteinsson, formaður KSÍ, segist ekki vilja tjá sig um handtökur á stjórnarmönnum FIFA fyrr í dag.
Eins og kom fram fyrr í morgun voru 6 hátt settir FIFA menn handteknir þar sem þeir sváfu á hóteli í Sviss og verða framseldir til FBI í Bandaríkjunum. Þá var húsleit hjá FIFA og önnur rannsókn hafin á umsóknarferlinu um HM 2018 og 2022.
Eins og kom fram fyrr í morgun voru 6 hátt settir FIFA menn handteknir þar sem þeir sváfu á hóteli í Sviss og verða framseldir til FBI í Bandaríkjunum. Þá var húsleit hjá FIFA og önnur rannsókn hafin á umsóknarferlinu um HM 2018 og 2022.
Sepp Blatter, forseti FIFA, var ekki handtekinn en hann er í forsetakjöri sem fer fram í Sviss á föstudag.
Geir er mættur til Sviss þar sem aðalfundur FIFA fer fram á föstudag. Hann segist ekki vilja tjá sig um forsetakjörið eða fréttir dagsins fyrr en eftir fund með aðildarríkjum UEFA á morgun.
„Ég er að bíða eftir fundi Evrópuþjóðanna á morgun. Ég veit ekkert meira en það sem er í fréttunum," sagði Geir við Fótbolta.net í dag.
„Evrópuþjóðirnar hittast í hádeginu á morgun og þá veit ég vonandi eitthvað meira en það sem stendur í blöðunum."
Athugasemdir