„Það mun hjálpa Manchester United að lokka til sín leikmenn að hafa Mourinho við stjórnvölinn. Að liðið sé ekki í Meistaradeildinni er samt stór mínus. United er samt enn risafélag og leikmenn geta horft á þetta sem tækifæri til að mæta og taka þátt í að byggja upp eitthvað árangursríkt. Þeir geta selt sig á þann hátt," segir Lineker.

Líklegt er að Zlatan Ibrahimovic fylgi Mourinho á Old Trafford og telur Lineker að fleiri risanöfn ættu að fylgja í deildina.

„Það eru að koma magnaðir stjórar í deildina. Guardiola til Manchester City og Conte tel Chelsea. Klopp er hjá Liverpool, Pochettino og Tottenham eru vaxandi og Arsenal hefur enn Wenger."

„Við erum ríkasta deild í heimi svo það er bara tímaspursmál hvenær allra stærstu stjörnur heimsfótboltans koma," segir Lineker sem segist hvað spenntastur að fylgjast með komu Pep Guardiola í deildina.