lau 27. maí 2017 17:55
Magnús Már Einarsson
Inkasso: Fyrsti sigur Þórsara
Gunnar Örvar skoraði fyrsta markið.
Gunnar Örvar skoraði fyrsta markið.
Mynd: Fótbolti.net - Sævar Geir Sigurjónsson
Þór 2 - 1 Haukar
0-1 Elton Renato Livramento Barros ('5)
1-1 Ármann Pétur Ævarsson ('34, víti)
2-1 Gunnar Örvar Stefánsson ('46)
Smelltu hér til að lesa um leikinn

Þórsarar náðu í sín fyrstu stig í Inkasso-deildinni í sumar með 2-1 sigri á Haukum á heimavelli siðdegis í dag.

Það byrjaði ekki vel fyrir Þórsara því Haukar komust yfir á 5. mínútu þegar Elton Barros skoraði eftir hornspyrnu.

Ármann Pétur Ævarsson jafnaði úr vítaspyrnu sem Jóhann Helgi Hannesson fiskaði í fyrri hálfleiknum.

Gunnar Örvar Stefánsson, markahæsti maður deildarinnar í fyrra, skoraði síðan sigurmarkið á laglegan hátt í upphafi síðari hálfleiks.

Þórsarar eru með þrjú stig eftir fjórar umferðir á meðan Haukar eru með fimm stig.
Athugasemdir
banner
banner
banner
banner