Raheem Sterling fær tækifæri í byrjunarliðinu en hann hefur verið mikið gagnrýndur af stuðningsmönnum Englands á mótinu.

Enska pressan bjóst fyrst við því að Adam Lallana yrði í liðinu en annað hefur komið á daginn.

Hodgson gerir fjölda breytinga frá markalausa leiknum gegn Slóvakíu. Danny Rose og Kyle Walker eru bakverðir eftir að hafa verið hvíldir í Saint-Etienne.

Jamie Vardy er á bekknum en Harry Kane í fremstu víglínu með Sterling og Daniel Sturridge á vængjunum.

Fyrirliðinn Wayne Rooney heldur áfram að vera notaður sem sóknarmiðjumaður.

Smelltu hér til að fara í textalýsingu frá leiknum