Eins og allir landsmenn vita stendur nú yfir leikur Íslands og Englands í 16-liða úrslitum á EM en hægt er að fylgjast með textalýsingu hér á Fótbolti.net.
Wayne Rooney kom Englendingum yfir með marki úr vítaspyrnu strax á 3.mínútu. Vítaspyrnan var dæmd á Hannes Þór Halldórsson þar sem hann braut klaufalega á Raheem Sterling.
Okkar strákar voru hinsvegar ekki lengi að svara því Ragnar Sigurðsson jafnaði mínútu síðar þegar hann var réttur maður á réttum stað í teignum eftir langt innkast frá fyrirliðanum Aroni Einari Gunnarssyni.
Aðeins liðu 34 sekúndur á milli markanna. Hreint ótrúleg byrjun.
Hér fyrir neðan má sjá myndband af marki Ragnars en þetta var hans annað mark fyrir Ísland í sextugasta leik sínum.
JÁ! NÓG eftir af þessum leik sagði @GummiBen og Ragnar Sigurðsson sannar það! ÞVÍLÍKT MARK! #EMÍsland #ISL #ENG https://t.co/MpAY8VabVE
— Síminn (@siminn) June 27, 2016
Athugasemdir