Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 27. júní 2017 15:30
Magnús Már Einarsson
Búinn að skora 19 mörk í fimm leikjum í fjórðu deildinni
Samúel í leik með HK árið 2011.
Samúel í leik með HK árið 2011.
Mynd: Fótbolti.net - Hafliði Breiðfjörð
Samúel Arnar Kjartansson hefur farið á kostum með Ými í 4. deildinni í sumar en hann hefur skorað 19 mörk í þeim fimm leikjum sem hann hefur verið í byrjunarliði í sumar.

Mörk Samúels í sumar
Árborg 1 - 3 Ýmir (1 mark)
Úlfarnir 0 - 8 Ýmir (5 mörk)
Ýmir 2 - 1 Kormákur/Hvöt (2 mörk)
Hrunamenn 1 - 12 Ýmir (4 mörk)
Kóngarnir 0 - 14 Ýmir (7 mörk)

„Ég er rólegri inn á velli núna en áður og svo eru liðsmennirnir allt strákar sem maður hefur spilað með í gegnum tíðina og þekkja mig vel," sagði hinn 28 ára gamli Samúel aðspurður út í lykilinn á bakvið velgengina í sumar.

Samúel er uppalinn hjá HK en hann hefur í gegnum tíðina mest leikið með uppeldisfélagi sínu sem og Ými í 4. deildinni. Árið 2008 skoraði Samúel 22 mörk í 13 leikjum með Ými. Hvert er markmið hans í markaskorun í sumar?

„Úr því sem komið er þá verð ég eiginlega að bæta fyrra met sem eru 22 mörk. Það væri gaman að setja nýtt met í íslenska boltanum. Annars bara reyna að spila eins mikið og ég get þar sem ég hef meiðst mikið í gegnum tíðina og fagna hverjum leik."

Samúel skoraði sjö mörk í 14-0 sigri á Kóngunum í gær en fjögur af mörkunum komu á síðustu fimm mínútunum. Samúel segist aldrei verða saddur í leikjum þó staðan sé örugg. „Nei. Ég held að það sé eðli framherja að skora alltaf annað mark. Sennilega er það formið og hausinn að klára leiki," sagði Samúel.
Athugasemdir
banner
banner
banner