Fabinho hefur verið orðaður við Manchester liðið síðast liðinn mánuð og telur Mourinho hann ekki bara geta styrkt liðið á miðsvæðinu heldur líka í hægri bakvarðarstöðunni. Brassinn spilaði einmiit hægri bakvörð hjá Monaco liðinu í íhlaupum á nýliðnu tímabili en hann spilaði bróðurpart leiktíðarinnar þar á undan í bakverðinum.

Honum er því ætlað að auka breidd liðsins, bæði á miðjunni og í bakverðinum.

Nemanja Matic virðist vera á leiðinni til United frá Chelsea á 35 milljónir punda en talið er einungis sé verið að bíða eftir því að Tiemoue Bakayoko skrifi undir hjá Chelsea svo að Matic geti skrifað undir í Manchester.

Með Bakayoko farinn er þó líklegt að Monaco liðið reyni að ríghalda í Fabinho en flestir leikmenn Monaco hafa verið orðaðir við önnur lið í sumar. Valeri Germain, Nabil Dirar og Bernardo Silva eru einu leikmennirnir sem hafa farið enn sem komið er en ekki er ólíklegt að fleiri muni yfirgefa franska félagið áður en félagaskiptaglugginn lokar í lok ágúst.