Ingvar Jónsson.
Ingar Jónsson, markvörður Stjörnunnar, verður klár í slaginn fyrir leik liðsins gegn Lech Poznan í Evrópudeildinni á fimmtudag.
Ingvar spilaði ekki með Stjörnunni gegn ÍBV í kvöld vegna meiðsla sem hann varð fyrir gegn Motherwell síðastliðinn fimmtudag en Rúnar Páll Sigmundsson þjálfari Garðbæinga býst við að hann verði klár fyrir leikinn á fimmtudag.
Ingvar spilaði ekki með Stjörnunni gegn ÍBV í kvöld vegna meiðsla sem hann varð fyrir gegn Motherwell síðastliðinn fimmtudag en Rúnar Páll Sigmundsson þjálfari Garðbæinga býst við að hann verði klár fyrir leikinn á fimmtudag.
,,Hann verður klár á fimmtudaginn. Það var fínt að geta hvílt hann í dag til að hann geti jafnað sig betur af þessum meiðslum sínum," sagði Rúnar eftir leik.
Hinn 19 ára gamli Sveinn Sigurður Jóhannesson stóð í markinu í dag og skilaði góðri frammistöðu í sínum fyrsta leik í Pepsi-deildinni.
Veigar Páll Gunnarsson fór af velli í fyrri hálfleik gegn Motherwell síðastliðinn fimmtudag vegna meiðsla aftan í læri. Veigar var ekki í leikmannahópi Stjörnunnar í kvöld og óvíst er hvort hann nái fyrri leiknum gegn Lech Poznan.
,,Veigar er spurningamerki. Við sjáum hvernig fer með hann í vikunni og hvort við náum að tjasla honum saman," sagði Rúnar Páll.
Athugasemdir
