Stefán Logi Magnússon, markvörður KR, var svekktur eftir 1-1 jafntefli liðsins gegn Breiðabliki í Pepsi-deildinni í kvöld.
Stefán Logi fékk rauða spjaldið í síðari hálfleik fyrir að brjóta á Elfari Árna Aðalsteinssyni fyrir utan vítateig en KR-ingar voru ósáttir með þann dóm þar sem Aron Bjarki Jósepsson var með boltann.
Stefán Logi fékk rauða spjaldið í síðari hálfleik fyrir að brjóta á Elfari Árna Aðalsteinssyni fyrir utan vítateig en KR-ingar voru ósáttir með þann dóm þar sem Aron Bjarki Jósepsson var með boltann.
,,Ég kiksa boltann og Aron er með hann þannig séð. Blikinn hleypur inn í mig og mér fannst þetta aldrei vera rautt, því miður," sagði Stefán Logi eftir leik.
,,Mér sárnaði meira að Garðar (Örn Hinriksson, dómari) laug að mér. Hann sagðist hafa talað við línuvörðinn en línuvörðurinn sagði að hann réði engu um þetta því að Garðar réði þessu."
Árni Vilhjálmsson skoraði mark Blika í leiknum. ,,Það er klár hendi, hann tekur hann með sér og hann viðurkenni það eftir markið. Svona er þetta í fótbolta, stundum falla hlutirnir með þér og sumt ekki," sagði Stefán Logi sem viðurkennir að jafnteflið sé sárt.
,,Það er mjög súrt. Við gáfumst ekki upp manni færri og reyndum að sækja en inn vildi ekki boltinn og svona er þetta."
Hér að ofan má sjá viðtalið í heild sinni.
Athugasemdir