,,Ingvar (Jónsson) var tæpur fyrir leikinn og ég vissi þegar það var hálftími í leikinn að ég myndi byrja. Ég kom inn í þetta og fannst mér standa mig mjög vel," sagði Sveinn Sigurður Jóhannesson markvörður Stjörnunnar eftir 2-0 sigur liðsins á ÍBV í kvöld.
Hinn 19 ára gamli Sveinn spilaði sinn fyrsta leik í Pepsi-deildinni í kvöld og stóð sig vel þrátt fyrir að hafa verið að glíma við meiðsli undanfarna daga.
Hinn 19 ára gamli Sveinn spilaði sinn fyrsta leik í Pepsi-deildinni í kvöld og stóð sig vel þrátt fyrir að hafa verið að glíma við meiðsli undanfarna daga.
,,Fyrir þremur dögum fór ég úr lið á puttanum. Fyrir Motherwell leikinn var Ingvar tæpur og ég var látinn hita upp í hálfleik, sólarhring eftir að ég fór úr lið. Ég er ágætur núna, adrenalínið var komið á fullt."
Eyjamenn fengu tólf hornspyrnur í leiknum og dældu boltanum oft inn á teig hjá Stjörnumönnum. Sveinn Sigurður og varnarmenn Stjörnunnar komu hættunni hins vegar alltaf í burtu.
,,Ég er mjög yfirvegaður þegar kemur að fyrirgjöfum og mér finnst gaman að sýna að ég sé góður í að taka krossa."
Hér að ofan má sjá viðtalið í heild sinni.
Athugasemdir
