banner
   mán 27. júlí 2015 11:10
Magnús Már Einarsson
Sergio Ramos fær ekki að fara frá Real Madrid
Mynd: Getty Images
Florentino Perez, forseti Real Madrid, hefur tilkynnt Sergio Ramos að hann fái ekki að fara frá félaginu í sumar.

Ramos og umboðsmaður hans funduðu með Perez í Kína í gær en varnarjaxlinn á tv ár eftir af samningi sínum við Real.

Ramos vill sjálfur fara til Manchester United en Real vill ekki selja leikmanninn.

Manchester United hefur lagt fram tvö tilboð í Ramos en án árangurs. Real Madrid vill fá David De Gea frá Manchester United en enska félagið segist ekki ætla að láta markvörðinn fara nema Ramos komi í hina áttina.

Ramos vill sjálfur ólmur fara til Manchester United í dag en miðað við fundinn í gær verður ekkert úr því.
Athugasemdir
banner
banner