Jóhannes Karl Guðjónsson.
Jóhannes Karl Guðjónsson og lærisveinar hans í HK unnu flottan 2-1 sigur gegn Leikni R. í Inkasso-deildinni í kvöld. HK-ingum gekk vel að opna Leiknisliðið sem hefur spilað frábæran varnarleik í sumar.
Lestu um leikinn: HK 2 - 1 Leiknir R.
„Þetta var rosalega mikilvægt. Við erum að leggja mjög hart að okkur til að vera erfiðir að spila á móti. Við erum líka að leggja mjög hart að okkur til að halda boltanum og spila góðan bolta. Við gerðum það í dag og náðum að opna Leiknismennina. Ég var mjög ánægður með vinnuframlagið, spilamennskuna og grimmdina," segir Jói Kalli.
„Við vorum þrælöflugir gegn vel þjálfuðu og skipulögðu Leiknisliði."
Spurður út í atriði í uppbótartíma sem Leiknismenn voru allt annað en sáttir við varðandi dómgæsluna sagði Jói Kalli:
„Ég held að þú vitir alveg hvert svarið er. Ég sá þetta ekki nægilega vel," sagði Jói Kalli og hló.
Sjáðu viðtalið í heild sinni í sjónvarpinu hér að ofan.
Athugasemdir
