Sakaður um spillingu.
Spánverjinn Angel Maria Villar er hættur sem varaforseti UEFA. Villar var á dögunum handtekinn í tengslum við rannsókn á spillingu.
Hann situr nú í varðhaldi í heimalandi sínu.
Hann situr nú í varðhaldi í heimalandi sínu.
Villar, sem hefur neitað öllum ásökunum, var handtekinn vegna gruns um spillingu í starfi sínu sem formaður knattspyrnusambands Spánar. Honum hefur verið vikið úr því starfi tímabundið.
Villar hefur einnig gegnt varaforseta stöðu hjá UEFA og einnig verið í stöðu hjá FIFA. Hann hefur nú sagt af sér í báðum þeim störfum.
„Villar mun ekki lengur sinna starfi hjá stofnun okkar," segir í yfirlýsingu sem UEFA sendi frá sér í dag.
UEFA vildi ekki tjá sig neitt um málaferlin gegn Villar.
Athugasemdir
