mið 27. ágúst 2014 17:30
Magnús Már Einarsson
Myndir: Arnar Steinn er vítaskytta Íslands
Arnar Steinn og Gunnleifur Gunnleifsson.
Arnar Steinn og Gunnleifur Gunnleifsson.
Mynd: Fótbolti.net - Ómar Vilhelmsson
Síðastliðinn laugardag stóð Fótbolti.net fyrir vítaspyrnukeppni á grasinu við Háskóla Íslands.

Allur ágóði af keppninni mun renna til Umhyggju, félags til stuðnings langveikum börnum.

Tæplega 200 manns tóku þátt í keppninni en hinn 19 ára gamli Arnar Steinn Þorsteinsson fór á endanum með sigur af hólmi.

Arnar, sem spilar með 2. flokki FH, skoraði úr ellefu spyrnum í röð og tryggði sér þannig sigurinn í keppninni eftir harða baráttu.

Gunnleifur Gunnleifsson, landsliðsmarkvörður, stóð á milli stanganna undir lokin þegar tólf keppendur stóðu eftir.

Sindri Snær Jensson (KR), Anton Ari Einarsson (Val), Denis Cardaklija, Hörður Fannar Björgvinsson (Fram), Arnór Bjarki Hafsteinsson (Breiaðblik) stóðu einnig á milli stanganna.

Stefnt er á að gera vítaspyrnukeppnina að árlegum viðburð og því getur fólk strax byrjað að æfa spyrnurnar fyrir keppnina á næsta ári!

Hér að neðan má sjá myndir sem Ómar Vilhelmsson tók á keppninni á laugardaginn.
Athugasemdir
banner
banner
banner
banner