Björgvin Stefánsson og Zlatko Krickic sáu um Selfyssinga sem heimsóttu Hauka í 1. deild karla í kvöld.

Selfyssingar sköpuðu sér ekki mikið af færum og sigurinn einfaldur fyrir Hauka sem eru nú með 32 stig eftir fjóra sigra í röð.

Haukar komast upp í fjórða sæti með sigrinum en ólíklegt er að liðið geti barist við Þrótt R. og KA um annað sæti deildarinnar.

Selfoss er tveimur stigum frá Gróttu sem er í fallsæti og verður að treysta á að Grótta leggi ekki Þór af velli er liðin mætast á Seltjarnarnesi á laugardaginn.