Breiðablik og Stjarnan mætast í eina leik Pepsi-deilarinnar í dag á Kópavogsvelli.

Liðin eru í 3. og 4. sæti deildarinnar, sjö stigum á eftir FH. Þetta er í raun einn allra síðasti séns fyrir bæði lið til að eiga einhvern séns í FH-inga.

Stjörnunni hefur gengið illa undanfarið og aðeins fengið eitt stig úr síðustu þrem leikjum sínum. Breiðablik hefur á sama tíma unnið einn leik, gert eitt jafntefli og tapað einum leik.

Byrjunarliðin eru orðin ljós. Ellert Hreinsson kemur inn í lið Breiðabliks í staðin fyrir Gísla Eyjólfsson sem er í banni og er það eina breyting heimamanna frá 1-1 leiknum gegn KR í síðustu umferð. Jóhann Laxdal kemur inn í lið Stjörnunnar ásamt Arnari Má Björgvinssyni og Hallóri Orra Björnssyni. Guðjón Baldvinsson er ekki með Stjörnunni í dag.

SMELLTU HÉR til að fara í beina textalýsingu frá leiknum