Björn Bergmann Sigurðarson var á skotskónum þegar Molde sótti Stromsgodset heim í norsku úrvalsdeildinni í dag.

Björn kom til Molde í sumar og hann hefur verið að finna sig hingað til. Markið sem hann skoraði í dag var hans þriðja mark í fjórum leikjum fyrir Molde.

Harmeet Singh kom Molde yfir úr vítaspyrnu á 32. mínútu og svo eftir klukkutíma leik bætti Björn Bergmann við marki og sá til þess að Molde kláraði þennan leik á sigri.

Molde fór upp í 4. sæti deildarinnar með þessum sigri, en liðið er nú með 37 stig. Stromsgodset er með 34 stig í 7. sæti.