Spænska úrvalsdeildin, La Liga, heldur áfram að rúlla um helgina, en í gær voru tveir leikir spilaðir. Í dag fara fjórir leikir fram og er einn þeirra sýndur í beinni.

Það er leikur Real Madrid og Celta Vigo, en hann er sýndur í beinni á Stöð 2 Sport 3. Það stefnir allt í spennandi og skemmtilegt tímabil á Spáni og verður titilbaráttan væntanlega á milli Real Madrid, Barcelona og svo Atletico Madrid. Real Madrid byrjaði tímabilið með 3-0 sigri og þeir ættu að klára leikinn í kvöld nokkuð þægilega.

Þetta er þó ekki fyrsti leikur dagsins þar sem það hefjast tveir leikir klukkan 16:15. Á þeim tíma fær Eibar sterkt lið Valencia í heimsókn og á þá mætast einnig Osasuna og Real Sociedad.

Leikur Real Madrid og Celta Vigo hefst svo klukkan 18:15 og lokaleikur dagsins er á milli nýliða Leganes og Atletico Madrid. Lið Atletico byrjaði tímabilið á jafntefli og þeir vilja eflaust ná sigri í dag.