Leicester City er með fullt hús stiga eftir fyrstu tvær umferðirnar á sínu fyrsta tímabili í Meistaradeild Evrópu.
Leicester fór létt með Club Brugge í fyrstu umferð og lagði Porto á heimavelli í kvöld þökk sé sigurmarki Islam Slimani, sem skallaði boltanum í netið eftir magnaða fyrirgjöf frá Riyad Mahrez.
Leicester fór létt með Club Brugge í fyrstu umferð og lagði Porto á heimavelli í kvöld þökk sé sigurmarki Islam Slimani, sem skallaði boltanum í netið eftir magnaða fyrirgjöf frá Riyad Mahrez.
„Síðustu 10 mínúturnar voru mjög erfiðar en menn héldu sér einbeittum og hleyptu engu í gegn," sagði Claudio Ranieri, stjóri Leicester.
„Við þurftum virkilega að hafa fyrir þessum sigri og erum allir himinlifandi með stigin þrjú. Islam Slimani er mjög erfiður viðureignar og á allt hrós skilið," sagði fyrirliðinn, Wes Morgan.
„Við vissum að þetta yrði erfiður leikur en við lögðum okkur alla fram og náðum í stigin," sagði Mahrez.
Athugasemdir
