Stephane Sessegnon hefur samnið við franska úrvalsdeildarliðið Montpellier um að leika með liðinu næstu tvö árin.
Hinn 32 ára gamli Sessegnon yfirgaf enska úrvalsdeildarliðið WBA í maí síðastliðnum þar sem félagið hafði ekki áhuga á að framlengja við kappann.
Hann var því enn án félags og var frjálst að semja við nýtt lið þó félagaskiptaglugginn sé lokaður.
Sessegnon lék einnig með Sunderland í enska boltanum.
Hann þekkir vel til í Frakklandi eftir að hafa leikið meðal annars með PSG í Ligue 1 í nokkur ár.
Montpellier er í vandræðum og hefur aðeins unnið einn af fyrstu sjö leikjum sínum.
Athugasemdir