Heimild: Heimasíða Þróttar
Finnur í leik með Þrótturum.
Þróttarar halda áfram að binda leikmenn hjá sér en þeir hafa gert tveggja ára samning við Finn Ólafsson. Finnur er 32 ára gamall miðjumaður sem spilaði með Þrótti í Pepsi-deildinni í sumar en liðið féll eftir eins árs veru í deildinni.
Finnur er uppalinn í HK og lék með þeim til 2009. Þá hefur hann leikið með ÍBV, Fylki og Víkingi Reykjavík í efstu deild.
Ótthar Sólberg Edvardsson, framkvæmdastjóri Þróttar, segist hæstánægður með að halda Finni og segir við heimasíðu Þróttar:
„Finnur er einn af þessum reynsluboltum og á eftir að reynast okkur dýrmætt akkeri í orrustunni í Inkasso," segir Ótthar.
„Gregg Ryder þjálfari vann fyrst með kappanum hjá ÍBV í Vestmannaeyjum og síðan undanfarið ár hérna í Laugardalnum. Þeir gjörþekkjast því. Finnur er agaður rólyndismaður á miðjunni og hefur reynst yngri leikmönnum flott fyrirmynd með sinn hafsjó af þekkingu á leiknum."
Athugasemdir
