Óvíst er hvort miðjumaðurinn Frans Elvarsson verði áfram hjá Keflavík næsta sumar en samningur hans við félagið rann út á dögunum.
Frans er með samningstilboð frá nýliðum Grindavíkur í Pepsi-deildinni.
Keflavík hefur einnig boðið Frans nýjan samning og hann skoðar sín mál þessa dagana.
Frans er með samningstilboð frá nýliðum Grindavíkur í Pepsi-deildinni.
Keflavík hefur einnig boðið Frans nýjan samning og hann skoðar sín mál þessa dagana.
„Ég er með tilboð í höndunum frá Keflavík og Grindavík og reikna með að taka ákvörðun á næstu dögum," sagði Frans við Fótbolta.net í dag.
Frans hefur verið á mála hjá Keflavík síðan árið 2011 en hann á meðal annars fimm tímabil að baki í Pepsi-deildinni með liðinu.
Í sumar spilaði Frans tólf leiki í Inkasso-deildinni með Keflavík og skoraði eitt mark. Keflavík endaði þá í þriðja sæti deildarinnar.
Hinn 26 ára gamli Frans er uppalinn hjá Sindra á Höfn í Hornafirði en hann hefur einnig leikið með Njarðvík á ferli sínum.
Athugasemdir