Udinese vann gríðarlega mikilvægan sigur á Palermo í ítölsku úrvalsdeildinni í kvöld.

Palermo var í næstneðsta sæti deildarinnar fyrir leik með aðeins sex stig og einn sigur. Udinese var í 17. sæti eða einu sæti fyrir ofan fallsætin. Það var því mikið undir.

Palermo byrjaði betur því Ilija Nestorovski kom þeim yfir eftir aðeins tíu mínútur. Cyril Thereau jafnaði fyrir hlé og var staðan í hálfleik 1-1.

Emil Hallfreðsson spilaði allan leikinn fyrir Udinese en hann sá um að leggja upp mark á Seko Fofana á 74. mínútu sem kom Udinese yfir. Hann bætti svo við öðru marki stuttu síðar og vann Udinese því mikilvægan sigur.