Sir Alex Ferguson hefur mikla trú á Leicester City í Meistaradeild Evrópu og spáir hann því að þeir muni ná langt.
Claudio Ranieri og lærisveinar hans komu heimsbyggðinni á óvart með að vinna ensku úrvaldeildina á síðustu leiktíð og hafa þeir farið vel af stað í Meistaradeildinni í ár.
Leicester hefur leikið þrjá leiki og unnið þá alla en þeir eru með Club Brugge, Porto og FC Kaupmannahöfn í riðli.
„Kaupin þeirra hafa gengið fullkomlega upp. Þeir fá til sín hungraða leikmenn sem eru tilbúnir að leggja mikið á sig til að vinna."
„Fleiri félög mættu taka sér Leicester til fyrirmyndar. Þetta verður líklegast erfitt ár fyrir þá í deildinni en þeir geta komist langt í Meistaradeildinni þó þeir muni ekki vinna keppnina," sagði Sir Alex.
Athugasemdir