Marcos Rojo hefur hafið æfingar að nýju á undan áætlun. Þessi argentínski varnarmaður fór úr axlaralið í 1-0 tapi Manchester United gegn Manchester City fyrir fjórum vikum.
Rojo er nú farinn að æfa á fullu með félögum sínum þó talið sé að leikurinn gegn Hull á Old Trafford á sunnudag komi of snemma.
Rojo gæti snúið aftur í útileiknum gegn Southampton þann 8. desember. United er komið upp í fjórða sætið og stefnir á Meistaradeildarsæti fyrir næsta tímabil.
Varnarmennirnir Phil Jones, Luke Shaw og Rafael eru allir á meiðslalistanum og einnig miðjumaðurinn Daley Blind sem getur spilað í vörninni.
Jonny Evans lék fyrir varaliðið í vikunni og gæti Norður-Írski varnarmaðurinn spilað gegn Hull. Shaw verður líklega frá í tvær vikur vegna ökklameiðsla og enn er nokkuð í að Rafael og Jones geti hafið æfingar að nýju.
Athugasemdir