Duda Kroeff, fyrrum forseti brasilíska félagsins Gremio, segir að Douglas Costa geti orðið ofurstjarna í sama flokki og Lionel Messi og Cristiano Ronaldo.
Costa er fyrrum leikmaður Gremio en leikur í dag fyrir þýska stórliðið Bayern München. Hann kom til Bæjara frá Shaktar Donetsk en þessi 25 ára brasilíski landsliðsmaður er kominn með fjórtán stoðsendingar fyrir Pep Guardiola og lærisveina.
„Leikaðferð Douglas hentar liðinu mjög vel. Hann er frábær fyrir Bayern og Bayern er frábært fyrir hann," segir Kroeff.
„Fótboltinn sem Bayern spilar er fótboltinn sem hentar honum best. Þau áhrif sem Pep Guardiola hefur haft á hann eru frábær. Hann á eftir að verða enn betri. Hann er ekki í sama flokki og Messi og Ronaldo en getur komist þangað."
Bayern mætir Herthu Berlín á morgun klukkan 14:30 en leikurinn verður sýndur beint á SkjáEinum og SkjáSporti.
Athugasemdir